• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلوچستان میں 6 برس کے دوران غیرت کے نام پر سیکڑوں مرد و خواتین کے قتل کا انکشاف

آج کا اخبار
اہم خبریں
27 جولائی ، 2025
کوئٹہ(آئی این پی)بلوچستان میں غیرت کے نام پر سیکڑوں مرد اور خواتین کو قتل کئے جانے کا انکشاف ہوا ہے۔غیر سرکاری تنظیم کی رپورٹ کے مطابق بلوچستان میں گزشتہ6برس کے دوران غیرت کے نام پر 232افراد قتل کئے گئے۔ رپورٹ میں مزید بتایا گیا ہے کہ نصیرآباد میں 73، جعفر آباد میں23مردوخواتین غیرت کے نام پر قتل کیے گئے۔ علاوہ ازیں مستونگ 18،ضلع کچھی میں17افراد سیاہ کاری کی بھینٹ چڑھے۔ جھل مگسی میں18اور کوئٹہ میں11مرد وخواتین کاروکاری کی نذر ہوئے جبکہ 2019میں یہ تعداد 52تھی، 2020میں51افراد غیرت کے نام پر قتل کیے گئے۔اسی طرح سال 2021میں24اور2022میں28افرادکاروکاری کی نذر ہوئے،2023میں 24افراد کو غیر ت کے نام پر قتل کیا گیا ۔ سال 2024میں 33افرادکو سیاہ کاری کے الزام میں موت کے گھاٹ اتارا گیا۔رواں سال اب تک33افراد غیرت کے نام پرقتل کئے جاچکے ہیں جن میں 19خواتین اور 14مرد شامل ہیں۔
اہم خبریں سے مزید