• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میٹرک TSC کے نتائج کا اعلان، تیسری پوزیشن بنک گارڈ کی بیٹی نے حاصل کی

آج کا اخبار
اہم خبریں
29 جولائی ، 2025
کراچی(اسٹاف رپورٹر) سندھ بورڈ آف ٹیکنیکل ایجوکیشن کراچی نے پیر کو ٹیکنیکل اسکول سرٹیفکیٹ حصہ دوم سالانہ امتحانات 2025کے نتائج کا اعلان کر دیا، چیئرمین ٹیکنیکل بورڈ مشرف علی راجپوت کے مطابق ٹی ایس سی کے امتحانات میں سندھ بھر سے 1887امیدواروں نے شرکت کی، 1628 امیدوار میٹرک امتحانات میں کامیاب ہوئے، کامیابی کا تناسب 86.27فیصد رہا۔ گلسن ٹیکنیکل ہائی اسکول ملیر کے حافظ محمد شہیر نے 1350 نمبروں سے 1179 نمبر لے پہلی پوزیشن حاصل کی۔ اسی اسکول کے محمد شامیخ احمد نے 1168 نمبر لے کر دوسری پوزیشن حاصل کی جب کہ ورکرز ماڈل اسکول سائیٹ حیدرآباد کی طالبہ وجیہہ شاہ نے 1350 نمبر لے کر تیسری پوزیشن حاصل کی۔ پوزیشن حاصل کرنے والے امیدواروں کو بورڈ کی جانب سے شیلڈ، میڈل اور نقد انعام دئیے گئے۔سندھ بورڈ آف ٹیکنیکل ایجوکیشن کراچی کے تحت ٹی ایس سی کے امتحانات کے نتائج میں تیسری پوزیشن حاصل کرنے والی طالبہ وجیہہ شاہ نجی بینک کے گارڈ کی بیٹی ہے وجیہہ شاہ نے کمپیوٹر سائنس میں کل نمبر 1350میں سے 1164نمبر حاصل کر کے تیسری پوزیشن کی حقدار قرار پائیں۔ وجیہہ شاہ کے والد نجی بینک میں گارڈ کی نوکری کرتے ہیں۔
اہم خبریں سے مزید