فرمان الہی
نماز کے اوقات
کراچی (اسٹاف رپورٹر) بلدیہ عظمیٰ کراچی نے اورنگی ٹاؤن شپ پراجیکٹ میں غیر قانونی لیز پر دیے گئے 320 سے زائد پلاٹس منسوخ کرنے کی کارروائی شروع کردی، کے ایم سی کے ترجمان کے مطابق میئر کراچی بیرسٹر مرتضیٰ وہاب کی ہدایت پر بلدیہ عظمیٰ نے اورنگی ٹاؤن شپ پراجیکٹ میں 320 سے زائد غیرقانونی طور پر لیز پر دیئے گئے پلاٹس کی منسوخی کا عمل شروع کر دیا، میئر کو مشکوک الاٹمنٹس سے متعلق شکایات موصول ہونے پر داخلی تحقیقات کا حکم دیا گیا تھا، انکوائری سے انکشاف ہوا کہ سابق پراجیکٹ ڈائریکٹر (پی ڈی) رضوان خان کے دور میں متعدد پلاٹس قواعد و ضوابط کی خلاف ورزی کرتے ہوئے لیز پر دیئے گئے، حیران کن طور پر صرف سال 2019ء میں ایک ہی شخص کو 26 پلاٹس الاٹ کیے گئے جب کہ مجموعی طور پر 180 پلاٹس ایک ہی خاندان کے افراد اور قریبی ساتھیوں کو دیئے گئے، موجودہ پی ڈی فیصل رضوی نے اس حوالے سے ایک تفصیلی رپورٹ جمع کرائی، جس میں مجموعی طور پر 500 سے زائد غیرقانونی الاٹمنٹس کی نشاندہی کی گئی جن میں سے 180 پہلے ہی نشاندہی شدہ اور 320 نئی بے ضابطگیاں حالیہ مرحلے میں سامنے آئیں،تمام متعلقہ کیسز ڈائریکٹر جنرل اینٹی کرپشن سندھ کو قانونی کارروائی کے لیے بھیج دیے گئے ہیں۔
