• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نجی اسکیم کے تحت گزشتہ حج سے محروم رہ جانیوالے عازمین کیلئے اچھی خبر

آج کا اخبار
اہم خبریں
03 اگست ، 2025
اسلام آ باد( رانا غلام قادر ) نجی اسکیم کے تحت گزشتہ حج سے محروم رہ جانے والے عازمین کے لیے اچھی خبر ہے کہ حج سے محروم رہ جانے والے عازمین آئندہ برس حج کرسکیں گے۔ذرائع کے مطا بق پرائیویٹ حج آپریٹرز ان عازمین حج سے کوئی اضافی رقم نہیں لیں گے۔پرائیویٹ آپریٹرز کی تنظیم ہوپ نے حج سے رہ جانے والے عازمین کے حوالے سے وزارت مذہبی امور کو یقین دہانی کرادی۔ذرائع کے مطا بق ہوپ 25 سے 26 ہزار رہ جانے والے عازمین کو آئندہ برس حج پر بھجوائے گی۔وفاقی وزیر مذہبی امور نے تصدیق کر دی ہے کہ پرائیویٹ اسکیم کے حج سے رہ جانے والے عازمین کے 36 ارب روپے سعودی عرب میں ہیں۔سعودی عرب کے وائلٹ میں ان عازمین کے 490 ملین ریال موجود ہیں۔ذرائع کے مطا بق گزشتہ برس 67 ہزار نہیں بلکہ تقریبآ 63 ہزار حج کوٹہ استعمال نہیں ہو سکا تھا۔در حقیقت پرائیویٹ آپریٹرز 63 ہزار کے کوٹے پر مکمل بکنگ نہیں کر سکے۔سینٹ کی قائمہ کمیٹی برائے مذہبی امور عازمین کی حج سے محرومی پر وزارت مذہبی امور اور پرائیویٹ حج آپریٹرز کو ذمہ دار قرار دے چکی ہے۔ سینیٹ قائمہ کمیٹی نے پرائیویٹ آپریٹرز اور وزارت مذہبی امور کے افسران کو عازمین کے حج سے رہ جانے کا سبب قرار دیا اور سفارش کی کہ محروم رہ جانے والے عازمین حج کو حج پر بھجوانے کو یقینی بنا یا جا ئے۔
اہم خبریں سے مزید