• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈی جی خان،ٹارگٹ کلنگ،سنگین جرائم میں ملوث انتہائی مطلوب دہشتگرد ہلاک

میرا شہر
لاہور
05 اگست ، 2025
لاہور(کرائم رپورٹر )پنجاب پولیس ڈیرہ غازی خان نے پولیس اہلکاروں کی ٹارگٹ کلنگ اور سنگین جرائم میں ملوث انتہائی مطلوب دہشت گرد بلال کھوسہ فائرنگ کے تبادلے کے دوران ہلاک ہو گیا۔ ترجمان پنجاب پولیس نے تفصیلات سے آگاہ کرتے ہوئے بتایا کہ ڈیرہ غازی خان پولیس تھانہ کالا کی حدود، سیمنٹ فیکٹری روڈ، موضع چک لادن کے قریب رات گئے معمول کی گشت پر تھی تو جھاڑیوں میں چھپے نامعلوم مسلح افراد نے پولیس موبائل پر اندھا دھند فائرنگ شروع کر دی۔ فائرنگ کے تبادلے کے دوران ایک حملہ آور مارا گیا جس کی شناخت بلال عرف بشیر کے نام سے ہوئی۔ ۔ ملزم سی ٹی ڈی کو بھی مطلوب تھا اور دو مقدمات میں باقاعدہ نامزد تھا۔ انٹیلی جنس رپورٹس کے مطابق بلال کھوسہ کا تعلق دہشت گرد تنظیم ٹی ٹی پی (فتنہ الخوارج) سے تھا۔ ہلاک دہشت گرد ریاستی اداروں کے خلاف منظم کارروائیوں میں ملوث اور ڈیرہ غازی خان میں بدامنی پھیلانے کے عزائم رکھتا تھا۔
لاہور سے مزید