• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سپریم کورٹ نے پی آئی اے جعلی ڈگری کیس میں حکم امتناع ختم کردیا

آج کا اخبار
اہم خبریں
07 اگست ، 2025
کراچی (اسٹاف رپورٹر ) سپریم کورٹ نے وفاقی حکومت کی اپیل پر پی آئی اے میں جعلی ڈگری پر ملازمت سے برطرفی کے خلاف حکم امتناع ختم کردیا۔ چیف جسٹس یحییٰ آفریدی نے ریمارکس دیئے کہ 10 برس سے آپ اسٹے آرڈر پر چل رہے ہیں، ایسا نہیں ہوسکتا۔ ہم حکم امتناع واپس لے رہے ہیں۔ آپ اپنے کیس کی تیاری کریں۔ چیف جسٹس پاکستان جسٹس یحییٰ آفریدی کی سربراہی میں جسٹس محمد شفیع صدیقی اور جسٹس اشتیاق ابراہیم پر مشتمل بینچ کے روبرو پی آئی اے میں جعلی ڈگری پر ملازمت سے برطرفی کے معاملے پر حکم امتناع کیخلاف وفاقی حکومت کی اپیل کی سماعت ہوئی۔ ایڈیشنل اٹارنی جنرل محسن شاہوانی نے کہا کہ ندیم لودھی جعلی ڈگری پر ایسوسی ایٹ انجینئر بھرتی ہوا تھا۔ ڈگری جعلی ثابت ہونے پر پی آئی اے نے شوکاز نوٹس جاری کرکے ملازمت سے برطرف کردیا تھا۔ ندیم لودھی حکم امتناع کے دوران ترقی پاکر آفیسر گریڈ کے گروپ 6تک پہنچ گئے تھے۔ ندیم لودھی سے 2015 میں ہائی کورٹ سے حکم امتناع حاصل کیا تھا۔ عدالت نے پی آئی اے کو محکمہ جاتی کارروائی جاری رکھنے کی ہدایت کردی۔
اہم خبریں سے مزید