فرمان الہی
نماز کے اوقات
پشاور(نیوز رپورٹر) قومی احتساب بیورو (کے پی)نے خیبر پختونخوا میں دریاؤں سے سونا نکالنے کے ٹھیکوں میں اربوں روپے کی مبینہ خوردبرد کی شکایات پر محکمہ معدنیات سے تمام ریکارڈ قبضے میں لے لیا اور اس حوالے سے تحقیقات شروع کر دیں،نظام پور میں سونا نکالنے کا ٹھیکہ 6ارب کی بجائے 4 ارب میں دیا گیا۔ نیب زرائع کے مطابق دریاؤں سے سونا نکالنے کے لیے ٹھیکوں میں اربوں روپے کا غبن ہواہے۔ دریائے سندھ میں نظام پور، صوابی، کوہستان اور کوہاٹ سمیت دیگر علاقوں سے سونا نکالا جاتا ہے۔نظام پور میں سونا نکالنے کا ٹھیکہ 6 ارب کی بجائے 4 ارب پر دیا گیا ہے متعلقہ حکام نے من پسند افراد کو کم قیمت پر ٹھیکہ دیکر سرکاری خزانے کو اربوں کا نقصان پہنچایا ہے، نیب نے متاثرہ ٹھیکہ دار کی شکایت پر تحقیقات کا آغاز کردیا ہے۔نیب ذرائع کے مطابق محکمہ معدنیات سے قبضے میں لئے گئے رکارڈ کی جانچ پڑتال شروع کردی ہے۔ ریکارڈ کی جانچ پڑتال کے بعد ملوث افراد اور اہلکاروں کو شامل تفتیش کیا جائیگا نیب زرائع کے مطابق دریائوں سے سونا نکالنے میں اربوں روپے کی کرپشن ہوئی ہے جس کے خلاف تحقیقات جاری ہیں اور جو بھی اس میں ملوث ہوگا انہیں قانون کے کٹہرے میں لایا جائے گا۔
