فرمان الہی
نماز کے اوقات
واشنگٹن ( جنگ نیوز) امریکی صدر ڈونلڈ ٹرمپ کے نئے ٹیرف نافذ، عالمی تجارتی نظام ہل کر رہ گیا،شراکت دار متاثر۔دنیا بھر میں ردِ عمل اور تشویش بڑھ گئی۔امریکی کسٹمز نے12:01 بجے 10سے 50فیصدکے درمیان محصولات وصول کرنا شروع کر دئیے۔ ٹیرف 100سال کی بلند ترین سطح پر،سپلائی چین و قیمتوں میں اضافہ متوقع، امریکی کمپنیاں متاثر،8 بڑے تجارتی شراکت داروں نے کم نرخوں پر معاہدے کیے،پاکستان، ویتنام کو جزوی رعایت ملی۔ سوئٹزرلینڈ، برازیل اور بھارت جیسے بڑے تجارتی شراکت دار بہتر معاہدوں کے حصول کیلئے کوشاں ہیں۔ ٹرمپ کا کہنا ہے کہ اربوں ڈالر محصولات کی صورت میں امریکہ آئیں گے۔ یہ اقدام ایسے وقت میں آیا جب کئی ممالک، بشمول بھارت اور برازیل، ان بلند نرخوں میں چھوٹ حاصل کرنے کے لیے مذاکرات کر رہے تھے۔بھارتی وزیر اعظم نریندر مودی اور برازیلی صدر لولا ڈا سلوا نے ٹرمپ کے سخت موقف کے باوجود دباؤ میں آنے سے انکار کیا۔
