• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کسی کی مرضی سے نئے صوبے نہیں بن سکتے، کھیئل داس

آج کا اخبار
اہم خبریں
31 اگست ، 2025
کراچی ( اسٹاف رپورٹر )وزیر مملکت برائے مذہبی امور و بین المذاہب ہم آہنگی کھیئل داس کوہستانی نے کہا ہے کہ پاکستان میں سیلاب سے تباہی بھارت کی آبی جارحیت سے ہوئی ہے۔مودی پاکستان اور اسلام دشمنی میں بہت آگے نکل گیا ہے۔ ہندو سکھ آپس میں بھائی بھائی ہیں ۔ سیلاب کی وجہ سے متاثر بابا گرونانک کے گردوارہ کو اصل شکل میں بحال کیا جارہا ہے۔وہاں آئندہ دوروز میں عبادت شروع ہوجائے گی۔ اس حوالے فیلڈ مارشل عاصم منیر متحرک ہیں۔کسی کی مرضی سے نئے صوبے نہیں بن سکتے ہیں اس کے لیے آئین میں طریقہ کار موجود ہے۔پاکستان میں اقلیتوں کو عزت کی نگاہ سے دیکھا جاتا ہے وزیراعلی پنجاب کے بہترین انتظامات نے صوبے کو بڑی تباہی سے بچایا ہے۔وفاق سندھ میں ممکنہ سیلاب کے حوالے سے صوبائی حکومت کے ساتھ ہر ممکن تعاون کرے گا۔ملک بھر سیلاب متاثرین کی بحالی کے لیے ہر ممکن اقدام کیے جارہے ہیں۔وہ ہفتہ کو مسلم لیگ ہائوس کراچی میں پریس کانفرنس سے خطاب کررہے تھے ۔کھیئل داس کوہستانی نے کہا کہ 4 دہائیوں میں اتنا بدترین سیلاب کبھی پنجاب میں نہیں دیکھا۔سیلاب کی وجہ سے 15لاکھ لوگ متاثر 20 افراد جاں بحق ہوئے۔ پاک فوج نے سیلاب کے دوران بھرپور کردار ادا کیا ہے۔موسمیاتی تبدیلی کی وجہ سے پاکستان کو چیلنج کا سامنا ہے۔بھارت ہمیشہ سے پانی کو بطور ہتھیار استعمال کرتا رہا ہے۔ آج سے دو ماہ قبل جو دہشت گردی ہوئی اسے مودی نے پاکستان اور اسلام سے جوڑا، مودی نے پاکستان پر حملہ کرکے مساجد کو شہید کیا۔بلوچستان میں بھارت کی دہشت گردی کے واضح ثبوت ہیں۔کھیئل داس کوہستانی نے کہا کہ بابا گرو نانک کے گردوارے پر پانی چھوڑ کر مودی نے آبی حملہ کیا ہے۔16یاتری سمیت 100سے زائد افراد کو فیلڈ مارشل اور وزیر اعظم نے ریسکیو کروایا۔بابا گرو نانک کے گردوارہ سے فیلڈ مارشل عاصم منیر نے پانی نکلوایا۔ پنجاب حکومت نے سیلاب کے دوران فوری اقدامات کیے جس پر وزیر اعلی کو شاباش دیتا ہوں۔کھئیل داس کوہستانی نے کہا کہ اس وقت مصیبت کی گھڑی میں پوری قوم ایک ہے۔اس وقت ہماری حکومت نواز شریف کے ویژن پر چل رہی ہے۔سندھ میں بھی سیلاب آنے والا ہے۔ شہریوں سے کہتا ہوں محفوظ مقام پر چلے جائیں۔شہباز شریف چائنہ کے دورے پر ہیں سی پیک ٹو کےلیے وہ خوشخبریاں لیکر آرہے ہیں۔ نوازشریف نے مہنگائی کا خاتمہ کیا تھا ہم آج پھر اسی راہ پر چل رہے ہیں۔اس وقت ملک کی تمام جماعتیں حکومت میں شامل ہیں۔کوئی نظام سے باہر نہیں ہے۔انہوں نے کہا کہ وزیر اعظم شہباز شریف نے ہمیں بتایا کے پی میں سیلاب سے تباہی بیڈ گورننس کی وجہ سے ہوئی ہے۔آبی گزگاہوں کی راہ میں تمام روکاوٹوں کو دور کیا جائے گا۔انہوں نے کہا کہ ایم کیو ایم پاکستان کا مطالبہ ہے کہ صوبہ بننا چاہیے لیکن کسی کی خواہش پر ایسے نہیں ہوسکتا ہے۔ملک میں جہاں صوبے بنیں گے۔ اس کےلیے آئین موجود ہے۔کوئی لاہور سے بیٹھ کر کہتا ہے کہ کراچی کو صوبہ بناؤ تو ایسے نہیں ہوسکتاہے۔
اہم خبریں سے مزید