• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بجلی، پرٹیکٹڈ صارفین کی حد 200 سے بڑھا کر 300 کرنے کی تجویز

آج کا اخبار
اہم خبریں
09 اگست ، 2025
اسلام آباد (ایجنسیاں) بجلی صارفین کیلئے خوشخبری، پرٹیکٹڈ صارفین کی حد 200سے بڑھا کر 300کرنیکی تجویز، وزیراعظم نے اعلیٰ سطح کمیٹی بنانے کا عندیہ دیدیا، نیپرا سلیب ریٹ میں تبدیلی کے عوامل کا جائزہ لے گی۔ تفصیلات کے مطابق وزیراعظم شہباز شریف نے پروٹیکٹڈ صارفین کے حوالے سے شکایات کا نوٹس لے لیا۔ ذرائع کے مطابق 201یونٹ استعمال کرنے والے صارفین 6 ماہ تک پروٹیکٹڈ کیٹگری سے نکل جاتے ہیں، صارفین کو پروٹیکٹڈ کیٹگری سے نکلنے کے بعد 6ماہ تک تقریبا 5ہزار روپے ماہانہ اضافی بل دینا پڑتا ہے، اس حوالے سے ایک کمیٹی تشکیل دیئے جانے کا امکان ہے جو پروٹیکٹڈ کیٹگری کو 200یونٹس تک محدود رکھنے یا 300یونٹس تک ریلیف دینے پر رپورٹ تیار کرے گی۔ ذرائع کے مطابق اس حوالے سے اراکین اسمبلی کا بھی موقف ہے کہ یہ صارفین سے زیادتی ہے کہ 200سے زائد صرف ایک یونٹ پر اگلے چھ ماہ تک اضافی 5ہزار روپے بل ادا کریں۔ وزارت توانائی کے ذرائع نے بتایا کہ 201والی سلیب نیپرا اور وزارت پاور نے جان بوجھ کر لاگو کروائی تھی۔
اہم خبریں سے مزید