• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسٹاک ایکسچینج، مندی کا رجحان، کے ایس ای 100 انڈیکس میں 264 پوائنٹس کی کمی

آج کا اخبار
اہم خبریں
09 اگست ، 2025
کراچی ( اسٹاف رپورٹر) پاکستان اسٹاک ایکس چینج، منافع کی خاطر فروخت کا دباو بڑھنے سے کاروباری ہفتے کے اختتام پر مندی کا رحجان، کے ایس ای100انڈیکس میں264پوائنٹس کی کمی 61.41فیصد کمپنیوں کے شیئرز کی قیمت گھٹ گئی،سرمایہ کاری مالیت 33ارب 27کروڑ 35 لاکھ روپے کم ہو گئی،کاروباری حجم بھی 23.08 فیصد کم رہا، تفصیلات کے مطابق کاروباری ہفتے کے آخری روز مارکیٹ میں اتار چڑھاو دیکھنے میں آیا ،ٹریڈنگ کے آغاز پر منفی رحجان نوٹ کیا گیا لیکن جلد ہی سرمایہ کاروں کی منتخب سیکٹرز میں خریداری سےصورتحال تبدیل ہو ئی اورپہلے ہاف کا اختتام ہوا تو مارکیٹ 500پوائنٹس سے زیادہ کے پلس پر تھی ، دوسرے ہاف کا آغاز بھی تیزی پر ہوا جس کے بعد 100انڈیکس 1166پوائنٹس کے اضافے سے ایک لاکھ 46 ہزار کی حد بھی عبور کر گیا تاہم آخری گھنٹے میں اچانک منافع کی خاطر فروخت بڑھنے سے ایک بار پھرمارکیٹ منفی زون میں آگئی اور انڈیکس میں 730 پوائنٹس تک کی کمی دیکھنے میں آئی تاہم اتار چڑھاو کے بعد اختتام پر کے ایس ای100انڈیکس 264.34 پوائنٹس کی کمی سے 145382.80پوائنٹس پر آکر بند ہوا ۔
اہم خبریں سے مزید