• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

13،14 اگست ، سری نگر ہائی وے،زیرو پوائنٹ سے جناح اسکوائر تک بند

میرا شہر
اسلام آباد
13 اگست ، 2025
اسلام آباد (ایوب ناصر ، خصوصی نامہ نگار) اسلام آباد ٹریفک پولیس نے 13 اور 14 اگست 2025 کے لیے ٹریفک ڈائیورشن پلان تشکیل دے دیا گیا ہے ، چیف ٹریفک آفیسر کیپٹن (ر) سید ذیشان حیدر کے مطابق سری نگر ہائی وے پر زیرو پوائنٹ سے جناح اسکوائر تک دونوں اطراف سے عام ٹریفک کے لیے مکمل طور پر بند رہے گی۔ 13 اگست دوپہر 12:00 بجے سے 14 اگست رات 3:00 بجے تک ہر قسم کی ہیوی ٹریفک کا اسلام آباد میں داخلہ ممنوع ہو گا۔ مری روڈ (براستہ شکر پڑیاں روڈ، چاند تارا چوک، گارڈن ایونیو I-8) ہر قسم کی ٹریفک کے لیے بند رہے گا۔ آئی-8 گارڈن پل، G-7 لوپ اور سپورٹس کمپلیکس ٹرن مری روڈ گارڈن ایونیو بھی بند رہیں گے. شہری متبادل طور پر موٹر وے سے سری نگر ہائی وے، مری، اور بارہ کہو کے لیے پشاور موڑ، 9ویں ایونیو، جناح ایونیو، ایمبیسی روڈ اور سریناچوک کا راستہ استعمال کریں۔ زیرو پوائنٹ سے آنے والے شہری بائیں لوپ سے سہروردی روڈ، آبپارہ، اور سرینا چوک کا راستہ اختیار کریں۔ مری اور بارہ کہو سے راولپنڈی جانے والی ٹریفک کورنگ روڈ، بنی گالہ، پارک روڈ، اور فیض آباد استعمال کرے۔ مری جناح اسکوائر سے آنے والے شہری کشمیر چوک، کلب روڈ، اور فیض آباد استعمال کریں. کشمیر چوک سے آنے والے شہری سہروردی روڈ، آبپارہ چوک، اور زیرو پوائنٹ کا راستہ اپنائیں. اسلام آباد ٹریفک پولیس کے اہلکار شاہراہوں اور اہم چوراہوں پر شہریوں کی رہنمائی کے لیے موجود رہیں گے۔
اسلام آباد سے مزید