فرمان الہی
نماز کے اوقات
اسلام آباد( نیو زرپورٹر) وزیراعظم محمد شہباز شریف سے گزشتہ روز اے این پی کے سر براہ سینیٹر ایمل ولی خان نے ملاقات کی ۔سینیٹر ایمل ولی خان نے وزیر اعظم کو اے این پی کی جانب سے منعقدہ آل پارٹیز کانفرنس میں شرکت کی دعوت دی۔ وزیراعظم نے آل پارٹیز کانفرنس میں پاکستان مسلم لیگ ن کی جانب سے نمائندگی کے لیے کمیٹی تشکیل دینے کی ہدایت کی ہے۔سینیٹر ایمل ولی خان نے یوم آزادی کے موقع پر وزیراعظم کو مبارکباد دی ۔ ملاقات میں ملکی مجموعی سیاسی صورتحال پر گفتگو کی گئی ۔ملاقات میں وزیر اعظم کے مشیر رانا ثنا اللہ اور معاون خصوصی طلحہ برکی بھی شریک تھے۔
