• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

معرکہ حق تاریخ میں سنہرے حروف سے لکھا جائے گا، عطا اللّٰہ تارڑ

آج کا اخبار
اہم خبریں
15 اگست ، 2025
اسلام آباد (نمائندہ خصوصی)وفاقی وزیر برائے اطلاعات و نشریات عطاء اللہ تارڑ نے کہا ہے کہ قوم اس سال جشن آزادی کے ساتھ معرکہ حق کی تاریخی فتح کا جشن بھی منا رہی ہے، معرکہ حق 2025ء تاریخ میں سنہری حروف سے لکھا جائے گا، ، بہترین جنگی حکمت عملی سے دشمن کے عزائم خاک میں ملا دیئے گئے، ،  اس نے دو قومی نظریہ پر مہر ثبت کی اور حقیقت بن کر دنیا کے سامنے ابھرا، انفارمیشن وار فیئر میں وزارت اطلاعات کا کردار ہمیشہ یاد رکھا جائے گا پاکستان نے اپنا مقدمہ بھرپور انداز میں عالمی سطح پر پیش کیا۔جمعرات کے روز سرکاری  ٹیلی ویژن ہیڈ کوارٹرز میں یوم آزادی کے موقع پر پرچم کشائی کی تقریب سے خطاب کرتے ہوئے وفاقی وزیر اطلاعات نے کہا کہ مئی میں معرکہ حق نے دو قومی نظریہ پر مہر ثبت کی اور یہ حقیقت بن کر دنیا کے سامنے ابھرا، دشمن نے پہلگام واقعہ کی آڑ میں پاکستان پر جارحیت مسلط کی اور فالس فلیگ آپریشن کے ذریعے پاکستان کا تشخص مجروح کرنے کی کوشش کی لیکن پاکستانی قوم اور مسلح افواج نے بہترین جنگی حکمت عملی سے دشمن کے عزائم خاک میں ملا دیے۔ عطاء اللہ تارڑ نے کہا کہ اس معرکے میں انفارمیشن وار فیئر بھی لڑی گئی جس میں وزارت اطلاعات نے منفرد اور موثر کردار ادا کیا، ڈیجیٹل وار فیئر میں قوم کا حوصلہ بلند رکھنا اور عالمی سطح پر پاکستان کا بیانیہ اجاگر کرنا ہماری اولین ترجیح تھی، یہ ایک ایسا باب ہے جو جب بھی تاریخ میں لکھا جائے گا تو سنہری حروف میں رقم ہوگا۔ انہوں نے کہا کہ 1965ء کی جنگ کے دوران پی ٹی وی سے نشر ہونے والے ملی نغموں نے افواج کا مورال بلند کیا، قوم کو متحد کیا اور وزارت اطلاعات کی خدمات آج بھی تاریخ کا روشن حصہ ہیں، وقت کے ساتھ بیانیہ کی جنگ میں ارتقا آیا اور اس بار بھی وزارت اطلاعات اور پی ٹی وی نے موثر کردار ادا کیا، فیک نیوز اور پروپیگنڈا کا توڑ کیا اور عالمی سطح پر قومی بیانیہ کو پروان چڑھایا۔
اہم خبریں سے مزید