• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی ایم ڈی کی درجہ حرارت میں اضافے سے گلگت بلتستان میں تیزی سے گلیشیئر پگھلنے کی وارننگ جاری

آج کا اخبار
اہم خبریں
15 اگست ، 2025
اسلام آباد (اے پی پی)محکمہ موسمیات پاکستان (پی ایم ڈی) نے گلگت بلتستان میں برف اور گلیشیئر پگھلنے کی وارننگ جاری کرتے ہوئے کہا ہے کہ خطے میں درجہ حرارت معمول سے 7سے9 ڈگری سینٹی گریڈ زیادہ ہے۔غیر معمولی گرمی برف پگھلنے کی شرح میں نمایاں ا ضافہ کر رہی ہے جس سے گلیشیل لیک آٹ برسٹ فلڈز کا خطرہ بڑھ رہا ہے۔پی ایم ڈی کے فلڈ فورکاسٹنگ ڈویژن کے مطابق زیادہ سے زیادہ اور کم سے کم درجہ حرارت مسلسل اوسط سے زیادہ ہیں جس کی وجہ سے بڑے پیمانے پر پگھلتی برف ہے جس سے آبی ذخائر میں پانی کی آمد میں اضافہ ہوتا ہے۔اعداد و شمار کے مطابق اگست کے پہلے 10 دنوں تک موجودہ خریف سیزن کے دوران تربیلا کے ذخائر میں پانی کی آمد 41.8 ملین ایکڑ فٹ تک پہنچ گئی ہے جو 36.16 ملین ایکڑ فٹ کی عام موسمی آمد سے 5.64 ملین ایکڑ فٹ زیادہ ہے۔محکمہ موسمیات نے خبردار کیا ہے کہ برف کا تیزی سے پگھلنا برفانی جھیلوں کی تشکیل اور توسیع کا باعث بن سکتا ہے جو نیچے دھارے والے علاقوں میں سیلاب کا سنگین خطرہ ہے۔ حکام نے متعلقہ حکام اور کمیونٹیز پر زور دیا کہ چوکس رہیں اور خاص طور پر زیادہ متاثرہ وادیوں میں، ممکنہ آفات کے اثرات کو کم کرنے کیلئے جامع حکمت عملی کے تحت اقدامات کو یقینی بنایا جائے۔
اہم خبریں سے مزید