فرمان الہی
نماز کے اوقات
بھارتی ریاست مہاراشٹر کی پولیس نے جدید ٹیکنالوجی اور مصنوعی ذہانت (AI) کے استعمال سے ایک ’ہِٹ اینڈ رَن‘ کیس کو محض 36 گھنٹوں میں حل کر کے ملزم کو گرفتار کر لیا۔
بھارتی میڈیا کے مطابق یہ واقعہ 9 اگست کو ناگپور میں پیش آیا جب ایک تیز رفتار ٹرک نے موٹر سائیکل پر سوار میاں بیوی کو ٹکر مار دی۔
حادثے میں خاتون موقع پر ہی جاں بحق ہو گئی جبکہ ٹرک ڈرائیور فرار ہوگیا۔
بھارتی میڈیا کے مطابق حادثے کا شکار ہونے والے متاثرہ شخص کے پاس ٹرک سے متعلق محدود معلومات تھیں، وہ پولیس کو صرف یہ بتا سکا کہ گاڑی پر سرخ نشانات (Red Markings) تھے لیکن ٹرک کا ماڈل یا سائز واضح نہ بتا سکا۔
مہاراشٹرا کے علاقے ناگپور رورل کے سپرنٹنڈنٹ آف پولیس (ایس پی) ہرش پوڈدار کے مطابق پولیس نے تین الگ الگ ٹول ناکوں کی سی سی ٹی وی فوٹیجز اکٹھا کیں اور انہیں مصنوعی ذہانت کے دو اَلگورتَھمز کے ذریعے جانچا۔
پہلے الگورتھم نے ایسی تمام گاڑیوں کو علیحدہ کیا جن پر سرخ نشانات تھے جبکہ دوسرے الگورتھم نے ان ٹرکوں کی اوسط رفتار کا تجزیہ کیا تاکہ حادثے میں ملوث گاڑی کی نشاندہی ہو سکے۔
اس ٹکنیک کی بدولت پولیس ایک مخصوص ٹرک تک پہنچی اور اسے گوالیار کانپور ہائی وے کے قریب روک کر ٹرک ڈرائیور کو گرفتار کر لیا۔
