• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پنجاب کے شہروں کی فیوچر سٹی کے تصور پر تعمیر کرینگے، وزیراعلیٰ مریم

آج کا اخبار
اہم خبریں
24 اگست ، 2025
ٹوکیو/لاہور(عرفان صدیقی/خصوصی نمائندہ) وزیر اعلیٰ مریم نواز شریف نے کہا ہے کہ پنجاب کے شہروں کی فیوچر سٹی کے تصور پر تعمیر و ترقی یقینی بنائیں گے۔جاپان کے دورے کے دوران گزشتہ روز وزیر اعلیٰ مریم نواز ورلڈ ایکسپو 2025پہنچ گئیں جہاں ایکسپو ایسوسی ایشن کے ڈپٹی سیکرٹری جنرل اکی نوکی ماناٹسو نے ان کا پرتپاک خیر مقدم کیا اور نمائش سے متعلق بریفنگ دی -وزیراعلی ٰ نے اوساکا ایکسپو 2025 کے لئے ”بہتر زندگی کے لئے مستقبل کے معاشرے کی تشکیل“ کا عنوان منتخب کرنے کو سراہا -ایکسپو 2025 میں انسانی جان بچانے، عوام کو بہتر سہولیات کی فراہمی اور خدمات عامہ میں بہتری سے متعلق سازو سامان اور طریقوں کو نمایاں کیا گیا ہے - وزیر اعلیٰ نے پاکستانی پویلین کا بھی دورہ کیا، پویلین آمد پر وزیراعلی پنجاب کا والہانہ استقبال کیا گیا -وزیراعلیٰ نے پاکستان پویلین آنے والے پاکستانیوں اور غیر ملکی سیاحوں سے گفتگو بھی کی-وزیراعلیٰ مریم نے کہاکہ پنجاب کے شہروں کو فیوچر سٹی کے تصور پر تعمیر و ترقی دیں گے-عالمی نمائش میں دنیا بھر سے نامور ماہرین مستقبل میں عوام اور معاشروں کو پیش آنے والے مسائل اور ان کے حل کی تجاویز پیش کر رہے ہیں - وزیراعلی ٰ نے ماحول دوست خوراک و زراعت کا سٹال (KUBOTO) بھی دیکھا -ایکسپو2025ء میں 150 جاپانی اور غیر ملکی کمپنیوں نے اپنے سٹال قائم کئے ہیں -وزیراعلی مریم کو ’گرینڈ رنگ ‘ کا بھی دورہ کرایا گیا -یہ دنیا کی سب سے بڑی لکڑی سے تعمیر ہونے والی منفرد عمارت ہے،جو 20 میٹر اونچی اور 61ہزار مربع میٹر پر پھیلی ہوئی ہے -نمائش میں ’تاریک رات میں قوس قزح‘ کے عنوان سے واٹر اینڈ لائٹ شو بھی سیاحوں کی توجہ کا مرکز ہے۔وزیر اعلیٰ مریم نے فوری ایکشن لیتے ہوئے ستھرا پنجاب کے ورکرز کو تنخواہیں دلا دیں۔ انہوں نے ستھرا پنجاب کے ورکرز کو پوری تنخواہ نہ ملنے کا نوٹس لے لیاہے۔
اہم خبریں سے مزید