• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاہور:”پاکستان آئیڈل“آڈیشنز، جادوئی آوازوں نے سب کو دیوانہ کردیا

آج کا اخبار
اہم خبریں
24 اگست ، 2025
کراچی (جنگ نیوز) لاہور:”پاکستان آئیڈل“آڈیشنز، جادوئی آوازوں نے سب کو دیوانہ کردیا ۔گلوکاری کے شوقین بڑی تعداد میں الحمرا کلچرل کمپلیکس پہنچ گئے، بڑا مقابلہ سب سے پہلے”جیو ٹی وی“ پر نشر ہوگا۔ تفصیلات کے مطابق جیو ٹی وی ایک بار پھر لا رہا ہے سب سے پہلے پاکستان کا سب سے بڑا اور دلوں کو چھو لینے والا میوزک مقابلہ ”پاکستان آئیڈل“، جہاں سروں اور تال کا جادوئی سفر اپنی نئی کہانی رقم کر رہا ہے۔ اس بار ”پاکستان آئیڈل“ کا قافلہ آڈیشن لینے لاہور پہنچا تو الحمرا کلچرل کمپلیکس ٹیلنٹ کا گڑھ بن گیا۔ شہرِ لاہور اور گردونواح سے آئے ہزاروں نوجوان لڑکے اور لڑکیاں اپنی سُریلی آوازوں اور خوابوں کو حقیقت بنانے کے عزم کے ساتھ آڈیشن دینے پہنچے۔ کسی کے دل میں بچپن سے میوزک کا شوق تھا تو کسی نے برسوں سر اور راگ کا سبق سیکھ رکھا تھا۔ ہر ایک کے چہرے پر خوشی اور اُمید کی جھلک نمایاں تھی، سب اپنی ریہرسل کرتے اور ایک دوسرے کو سپورٹ کرتے دکھائی دیئے۔
اہم خبریں سے مزید