فرمان الہی
نماز کے اوقات
ڈھاکا(جنگ نیوز) نائب وزیر اعظم و وزیر خارجہ اسحاق ڈار نے صحافی کی جانب سے 1971 سے متعلق سوال پر کہاکہ یہ معامل حل ہوچکا ہے اب دل صاف کرکے آگے بڑھنا چاہیے۔اسحاق ڈار نے کہا کہ یہ معاملہ پہلی مرتبہ 1974 میں ہی حل ہوگیا تھا اور اس حوالے سے دستاویز تاریخی حیثیت رکھتا ہے اور یہ دونوں ممالک کے پاس موجود ہیں۔اسحاق ڈار نے کہا کہ اس کے بعد جب پرویز مشرف نے بنگلادیش کا دورہ کیا تو انہوں نے کھل کر اس معاملے پر بات کی۔پاکستان کا بنگلادیشی طلبہ کو پانچ سال میں 500 اسکالرشپس دینے کا اعلاننائب وزیر اعظم نے کہا کہ جب دو بھائیوں کے درمیان ایک معاملہ حل ہوجائے تو پھر اسلام بھی کہتا ہے کہ اپنا دل صاف کرلینا چاہیے۔اسحاق ڈار نے کہا کہ اس معاملے کو دو مرتبہ حل کیا جاچکا ہے اور اب ہمیں چاہیے کہ دل صاف کرکے آگے بڑھیں، ہمارے سامنے ایک روشن مستقبل ہے۔نائب وزیر اعظم کا کہنا تھا کہ ہمیں چاہیے کہ مل کر دونوں ممالک کے عوام کی فلاح و بہبود کے لیے کام کریں۔خیال رہے کہ اسحاق ڈار گزشتہ روز بنگلادیش کے تاریخی دورے پر پہنچے، یہ کسی بھی پاکستانی وزیر خارجہ کا 13 سال بعد پہلا دورہ بنگلادیش ہے۔
