فرمان الہی
نماز کے اوقات
اسلام آباد(مہتاب حیدر) 2022کے سیلاب میں عالمی ڈونرز نے 10.9ارب ڈالر دینے کا وعدے کیا تھا لیکن پاکستان صرف 20فیصد لینے میں کامیاب ہوسکا، عالمی بینک کے مطابق پاکستان کو آئندہ 7 سال میں ترقی اور ماحولیاتی چیلنجز سے نمٹنے کیلئے 348ارب ڈالر کی ضرورت ہوگی۔ تفصیلات کے مطابق پاکستان اس وقت ایک اور اچانک آنے والے سیلاب سے نبرد آزما ہے۔ المیہ یہ ہے کہ 2022 کے تباہ کن سیلاب کے بعد عالمی مالیاتی اداروں کی جانب سے کیے گئے وعدوں کے تحت پاکستان صرف 20 فیصد فنڈز ہی حاصل کر سکا۔ 2022 کے سیلاب کے بعد جنیوا کانفرنس میں عالمی ڈونرز نے 10.9 ارب ڈالر امداد کا وعدہ کیا تھا، مگر پاکستان اس میں سے صرف 20 فیصد فنڈز ہی عملی طور پر حاصل کر پایا۔ خیبرپختونخوا، گلگت بلتستان اور اب پنجاب میں ڈوبے ہوئے دیہات، تباہ شدہ فصلیں اور بے گھر خاندان اس حقیقت کی کڑی یاد دہانی ہیں کہ ملک کس قدر ماحولیاتی تبدیلی کے باعث آنے والی آفات کے سامنے کمزور ہے۔ سیلاب 2022 کے بعد کیے گئے پوسٹ ڈیزاسٹر نیڈز اسیسمنٹ (PDNA) کے مطابق نقصانات کا تخمینہ 14.9 ارب ڈالر اور بحالی کی مجموعی ضروریات 16.3 ارب ڈالر لگائی گئیں۔ 2023 میں جنیوا ڈونرز کانفرنس میں 10.9 ارب ڈالر کے وعدے کیے گئے، لیکن تین سال گزرنے کے باوجود پیش رفت انتہائی سست رہی — درکار بحالی فنڈز میں سے 20 فیصد سے بھی کم خرچ ہوسکے۔عالمی بینک کے مطابق پاکستان کو آئندہ سات سال میں ترقی اور ماحولیاتی چیلنجز سے نمٹنے کے لیے 348 ارب ڈالر کی ضرورت ہوگی۔PDNA رپورٹ 28 اکتوبر 2022 کو مکمل اور جاری کی گئی تھی، جس میں 17 اقتصادی شعبوں میں نقصان اور تباہی کا تخمینہ بالترتیب 14.9 اور 15.2 ارب ڈالر لگایا گیا تھا۔ اس رپورٹ کے مطابق پاکستان کو دوبارہ سیلاب سے پہلے کی حالت میں لانے کے لیے کم از کم 16.3 ارب ڈالر درکار ہیں۔اسی ضرورت کی بنیاد پر 4RF دستاویز تیار کی گئی، جو جنیوا میں عالمی ڈونرز کانفرنس میں پیش کی گئی۔ اس میں پانچ سالہ (جبکہ حکومت پاکستان کے مطابق تین سالہ) بحالی و تعمیر نو پروگرام کے لیے تقریباً 11 ارب ڈالر کا وعدہ کیا گیا۔اس 4RF رپورٹ میں 17 شعبوں کو چار اسٹریٹجک ریکوری ابجیکٹوز (SROs) میں تقسیم کیا گیا۔SRO-1: گورننس، ماحولیات و موسمیاتی تبدیلی، آفات سے بچاؤ — 413.5 ملین ڈالر۔SRO-2: زراعت، روزگار و مالیات، تجارت و صنعت، سیاحت — 4.35 ارب ڈالرSRO-3: سماجی شمولیت (بشمول صنفی مساوات)، ثقافت و ورثہ — 1.05 ارب ڈالرSRO-4: تعلیم، صحت و غذائیت، پانی و صفائی، بلدیاتی خدمات، انفراسٹرکچر، توانائی، ٹرانسپورٹ و مواصلات، آبپاشی و آبی وسائل، ڈیجیٹل انفراسٹرکچر — 10.48 ارب ڈالرتھے۔تجزیہ ظاہر کرتا ہے کہ فنڈز کی تقسیم میں سنگین عدم توازن ہے۔
