فرمان الہی
نماز کے اوقات
ترکی کے شمالی علاقے میں خوشیاں غم میں بدل گئیں، شادی کے موقع پر کی جانے والی ہوائی فائرنگ دولہے کی جان لے گئی۔
ترک میڈیا کے مطابق 23 سالہ دولہا علی اپنی شادی کے بعد دلہن کے ساتھ گھر جا رہا تھا کہ اسی دوران فائرنگ کا نشانہ بن گیا، فائرنگ مبینہ طور پر دلہن کی رشتہ دار خاتون نے کی تھی۔
واقعے کے بعد 47 سالہ خاتون کو حراست میں لے لیا گیا، جبکہ اس کے گھر کے باغ سے دو غیر قانونی پستول بھی برآمد ہوئیں، پراسیکیوٹرز نے واقعے کی تحقیقات شروع کر دی ہیں۔
گزشتہ ہفتے بھی ترکی کے شمال مشرقی صوبے طرابزون میں شادی سے قبل کی گئی ہوائی فائرنگ کے نتیجے میں ایک شخص ہلاک اور دو زخمی ہوگئے تھے۔
