• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یکم ستمبر سے پٹرولیم مصنوعات کی قیمتوں میں کمی کا امکان

آج کا اخبار
اہم خبریں
30 اگست ، 2025
اسلام آباد (خالد مصطفیٰ)یکم ستمبر سے پٹرولیم مصنوعات کی قیمتوں میں کمی کا امکان، پیٹرول کی قیمت میں 0.61 روپے فی لیٹر اور ہائی سپیڈ ڈیزل کی قیمت میں 3.13 روپے فی لیٹر ہو سکتی ہے ۔ تفصیلات کے مطابق ملک بھر میں بادل پھٹنے، لینڈ سلائیڈنگ اور اچانک آنے والے سیلاب کی وجہ سے پنجاب میں تباہ کن صورتحال پیدا ہو گئی ہے، جس کے اثرات سندھ میں بھی متوقع ہیں۔ ان حالات میں، پاکستان میں یکم ستمبر سے پیٹرولیم مصنوعات (پی او ایل) کی قیمتوں میں معمولی کمی کا امکان ہے، جس سے صارفین کو کچھ حد تک ریلیف ملے گا۔ سرکاری تخمینوں کے مطابق، پیٹرول کی قیمت میں 0.61 روپے فی لیٹر کمی ہو سکتی ہے، جبکہ ہائی سپیڈ ڈیزل کی قیمت میں زیادہ نمایاں کمی، 3.13 روپے فی لیٹر تک ہو سکتی ہے۔ اسی طرح، مٹی کے تیل کی قیمت میں 1.57 روپے اور لائٹ ڈیزل آئل کی قیمت میں 2.61 روپے فی لیٹر کمی کی توقع ہے۔ اس کمی کی وجہ بین الاقوامی تیل کی قیمتوں میں معمولی کمی ہے۔ پیٹرول کی نئی قیمت 264.00 روپے فی لیٹر (264.61 روپے سے کم)، ایچ ایس ڈی کی 269.86 روپے فی لیٹر (272.99 روپے سے کم)، مٹی کے تیل کی 176.70 روپے فی لیٹر اور ایل ڈی او کی 159.55 روپے فی لیٹر مقرر ہو سکتی ہے۔
اہم خبریں سے مزید