• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسٹیٹ بینک ‘2025ء کیلئے نظام کے لحاظ سے اہم ملکی بینکوں کا تعین

آج کا اخبار
اہم خبریں
30 اگست ، 2025
کراچی ( اسٹاف رپورٹر) اسٹیٹ بینک نے نظام کے لحاظ سے اہم ملکی بینکوں (ڈی-ایس آئی بی)کے فریم ورک کے تحت 2025کے لیے ایسے بینکوں کے تعین کا اعلان کر دیا ہے۔نیشنل بینک آف پاکستان، یونائیٹڈ بینک لمیٹڈ اور حبیب بینک لمیٹڈ کو نظام کے لحاظ سے اہم ملکی بینک برائے 2025 متعین کیا گیا ہے۔مذکورہ فریم ورک اپریل 2018 میں متعارف کرایا گیا اور اس میں دسمبر 2022میں ترمیم کی گئی تھی۔نظام کے لحاظ سے اہم ملکی بینکوں کی شناخت سالانہ بنیاد پر دو مراحل میں ہوتی ہے۔ پہلے مرحلے میں مقداری اور معیاری پیمانوں پر ہر سال نمونے کے بینکوں کو شناخت کیا جاتا ہے۔ دوسرے مرحلے میں نمونے کے ان بینکوں میں سے ان اداروں کے حجم، باہمی روابط (interconnectedness)، تبادلہ پذیری (substitutability) اور پیچیدگی کو مدِنظر رکھ کر نظامی اسکور معلوم کر کے نظام کے لحاظ سے اہم ملکی بینکوں کا تعین کیا جاتا ہے۔
اہم خبریں سے مزید