• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

الیکشن ٹریبونل، انتخابی نتائج کے خلاف درخواست، الیکشن کمیشن، فرحان غنی و دیگر کو نوٹس

آج کا اخبار
اہم خبریں
30 اگست ، 2025
کراچی (اسٹاف رپورٹر ) سندھ ہائیکورٹ کے الیکشن ٹریبونل نے 4یونین کونسلز کے انتخابی نتائج کیخلاف جماعت اسلامی کے امیدواروں کی درخواست پر الیکشن کمیشن، ریٹرننگ افسران اور فرحان غنی سمیت دیگر مخالف امیدواروں کو نوٹس جاری کردیئے۔ ہائیکورٹ کے الیکشن ٹریبونل کے روبرو 4یونین کونسلز کے انتخابی نتائج کے خلاف جماعت اسلامی کے امیدواروں کی درخواست کی سماعت ہوئی۔ درخواست گزار کے وکیل تیمور مرزا ایڈووکیٹ نے کہا کہ یونین کونسل نمبر 6کے فیصلے سے ٹاؤن چیئرمین کی پوزیشن متاثر ہوسکتی ہے۔ غیاث احمد عباسی کے زیادہ ووٹ حاصل کرنے کے باوجود مخالف امیدوار فرحان غنی کو کامیاب قرار دیا گیا۔ 5 ماہ سے درخواست دائر ہے اور تاخیر سے عوامی مینڈیٹ کی خلاف ورزی ہورہی ہے۔ ٹریبونل نے الیکشن کمیشن، ریٹرننگ افسران اور مخالف امیدواروں کو 24 ستمبر کیلئے نوٹس جاری کرتے ہوئے جواب طلب کرلیا۔ دیگر درخواستیں صفورا ٹاؤن کی مختلف یوسیز کے امیدواروں محمد شاہد اور حبیب الرحمان نے دائر کی ہیں۔ گلشن اقبال ٹاؤن کی یونین کونسل سے واجد احمد خان نے بھی انتخابی عذرداری دائر کی ہے۔
اہم خبریں سے مزید