فرمان الہی
نماز کے اوقات
بالی ووڈ اداکار سیف علی خان نے کہا ہے کہ ودیا بالن ایک غیر معمولی شخصیت کی حامل ہیں۔
بھارتی میڈیا کے مطابق 2005ء میں ریلیز ہونے والی فلم پرینیتا کی دوبارہ مخصوص سنیما گھروں میں ریلیز کے حوالے سے سیف علی خان نے کہا کہ ’میں اس فلم کے دوبارہ ریلیز کے حوالے سے بہت پُرجوش ہوں اور یہ دیکھنا چاہتا ہوں کہ اس فلم پر اب شائقین کیسا ردعمل دیتے ہیں‘۔
سیف علی خان نے کہا کہ فلم پرینیتا میرے دل میں ایک خاص مقام رکھتی ہے۔
انہوں نے فلم میں اپنی ساتھی اداکارہ ودیا بالن کے حوالے سے کہا کہ ان کے ساتھ فلم میں کام کر کے بہت منفرد تجربہ رہا۔
سیف علی خان نے کہا کہ ودیا بالن نے اپنے کردار میں بہت سی دلکشی، تازگی اور شاعری بھر دی تھی۔
انہوں نے مزید کہا کہ اس فلم کی ساری کاسٹ ہی شاندار تھی، فلم کا سیٹ بہت خوبصورتی سے ڈیزائن کیا گیا تھا جس نے ماحول کو اور شاندار بنادیا تھا۔
