فرمان الہی
نماز کے اوقات
تیسرے ایک روزہ میچ میں انگلینڈ نے جنوبی افریقا کو ون ڈے کرکٹ میں رنز کے اعتبار سے سب سے بڑی شکست دے دی۔
ساؤتھمپٹن میں کھیلے گئے میچ میں انگلینڈ نے جنوبی افریقا کو 342 رنز کے برے مارجن سے مات دی، اس سے قبل 2023ء میں بھارت نے سری لنکا کو 317 رنز کے ہرایا تھا۔
انگلینڈ کے 414 رنز کے اسکور کے مقابلے میں جنوبی افریقی ٹیم صرف 72 رنز پر ڈھیر ہوگئی، جس کے بعد انگلش ٹیم کی تاریخی فتح اپنے نام کی۔
جوفرا آرچر 18 رنز کے عوض 4 وکٹ لینے پر میچ کے بہترین کھلاڑی قرار پائے جبکہ پلیئر آف دی سیریز کا ایوارڈ کیشو مہاراج اور جو روٹ کے نام رہا۔
اس سے قبل انگلش ٹیم کی سب سے بڑی فتح 2018 میں 242 رنز کی تھی، جو اس نے آسٹریلیا کے خلاف حاصل کی تھی۔
انگلینڈ نے مقررہ 50 اوورز میں 5 وکٹ پر 414 رنز اسکور کیے، انگلش ٹیم کی طرف سے 2 سنچریاں اور 2 نصف سنچریاں اسکور کی تھیں۔
جیکب بیتھل نے 110 اور جو روٹ نے 100 رنز بنائے جبکہ جیمی اسمتھ اور جوز بٹلر نے 62، 62 رنز کی باری کھیلی تھی۔
جنوبی افریقا کے کیشو مہاراج اور کوربن بوش نے 2، 2 کھلاڑیوں کو آؤٹ کیا۔
تین ایک روزہ میچز کی سیریز میں جنوبی افریقا نے ابتدائی دونوں میچز بالترتیب 7 وکٹ اور 5 رنز سے جیتے تھے۔
جنوبی افریقا اور انگلینڈ کے درمیان 3 ٹی 20 میچز 10 ستمبر سے شروع ہوں گے۔
