فرمان الہی
نماز کے اوقات
خراب موسم اور انتظامی مسائل کے باعث ملک بھر کا فضائی آپریشن شدید متاثر ہوا۔ 6 پروازیں منسوخ جبکہ ایک پرواز کا رُخ موڑ دیا گیا، مجموعی طور پر 25 سے زائد پروازوں کی آمدورفت میں 1 سے 13 گھنٹے تک تاخیر ہوئی۔
فلائٹ شیڈول کے مطابق کراچی سے اسلام آباد کی دو پروازیں پی اے 200 اور پی اے 201 کو منسوخ کر دیا گیا، اسی طرح قومی ایئر لائن کی سیالکوٹ سے دوحہ جانے اور دوحہ سے سیالکوٹ آنے والی پروازیں پی کے 251 اور پی کے 252 بھی منسوخ رہیں۔
اسلام آباد سے اسکردو کی نجی ایئر کی پروازیں پی اے 251 اور پی اے 252 بھی آپریشنل مسائل کے باعث روانہ نہ ہوسکیں۔
نجی ایئر لائن کی لاہور سے جدہ جانے والی پرواز پی اے 470 کو تکنیکی خرابی کے باعث کراچی اتار لیا گیا۔
ترجمان کے مطابق ایئر بس اے 320 طیارے کا موسمی ریڈار غیر فعال ہوگیا تھا جس کے بعد پرواز کو کراچی روکنا پڑا، یہ پرواز اب رات 9 بجے کراچی سے جدہ کے لیے روانہ ہوگی۔
اسلام آباد سے ابوظبی کی پرواز پی اے 230 ساڑھے 8 گھنٹے تاخیر کا شکار رہنے کے بعد روانہ ہوگئی، دبئی سے لاہور آنے والی پرواز پی اے 416، 13 گھنٹے تاخیر سے پہنچی جبکہ دبئی سے کراچی آنے والی پرواز پی اے 111 کو ساڑھے 3 گھنٹے کی تاخیر کا سامنا کرنا پڑا۔
