فرمان الہی
نماز کے اوقات
امریکی تحقیقاتی ایجنسی فیڈرل بیورو آف انویسٹی گیشن (ایف بی آئی) نے امریکی قدامت پسند تجزیہ کار چارلی کرک کے قتل کی تحقیقات میں ایک مشتبہ شخص کی تصاویر جاری کی ہیں تاہم پولیس نے تصویر میں موجود شخص کو مشتبہ قاتل قرار نہیں دیا ہے۔
ایف بی آئی نے سوشل میڈیا پر مشتبہ شخص کی تصاویر جاری کرتے ہوئے عوام سے اس کی شناخت سے متعلق معلومات فراہم کرنے کی درخواست کی ہے۔
امریکی صدر ڈونلڈ ٹرمپ کے قریبی ساتھی اور اسرائیل نواز چارلی کرک پر گذشتہ روز ریاست یوٹا کی یونیورسٹی میں خطاب کے دوران فائرنگ کی گئی تھی، یوٹا کے گورنر نے واقعے کو سیاسی بنیاد پر قتل قرار دیا ہے۔
فائرنگ کے بعد ایک مشتبہ شخص کو مجمع سے حراست میں لے لیا گیا ہے، تاہم امریکی میڈیا کے مطابق اس کا حملے سے تعلق نہیں ہے۔
روسی میڈیا نے عینی شاہدین کے حوالے سے کہا ہے کہ کرک کو اس وقت گولی ماری گئی جب وہ ٹرانس جینڈر افراد سے متعلق تقریر کررہے تھے۔
کرک یوکرینی حکومت کو بھی کڑی تنقید کا نشانہ بناتے رہے ہیں اور یوکرین کو فوجی امداد کے مخالف تھے۔
وہ روس سے سفارتی تعلقات کی بحالی کی بھی وکالت کرتے رہے ہیں اور صدر ٹرمپ کی امریکا فرسٹ پالیسی کے سپورٹر تھے۔
