فرمان الہی
نماز کے اوقات
نیویارک(اے ایف پی) واشنگٹن پوسٹ کے ایک تازہ سروے میں انکشاف ہواہے کہ امریکہ میں ہرچھ میں سے ایک والدین نے اپنے بچوں کو لازمی حفاظتی ٹیکے لگوانے میں تاخیر کی ہے یا انکار کیا ہے۔زیادہ تر والدین نے ممکنہ مضر اثرات کے خدشات اور وفاقی صحت حکام پر اعتماد کی کمی کو اس فیصلے کی وجہ قرار دیا۔ سروے کے مطابق تقریباً 9 فیصد والدین نے اپنے بچوں کو پولیو یا ایم ایم آر (خسرہ، ممپس، روبیلا) کے ٹیکے نہیں لگوائے، جس پر ماہرینِ صحت نے خبردار کیا ہے کہ یہ اقدام خطرناک بیماریوں کی دوبارہ بڑے پیمانے پر واپسی کا سبب بن سکتا ہے، جنہیں روایتی حفاظتی ٹیکہ کاری تقریباً ختم کر چکی تھی۔سروے میں یہ بھی بتایا گیا کہ جن لوگوں نے ویکسین میں تاخیر یا انکار کیا، وہ زیادہ تر ریپبلکن پارٹی کے حامی تھے، ان کی عمر 35 سال سے کم تھی، یا انہوں نے مذہبی عقائد اور ہوم اسکولنگ کو وجہ بتایا۔واشنگٹن پوسٹ-کے ایف ایف کے مشترکہ سروے کے مطابق والدین اپنے بچوں کو کووِڈ-19 یا فلو کی ویکسین لگوانے کے حوالے سے اور بھی کم پرعزم ہیں۔
