• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آنحضورؐ رحمت للعالمین بن کر آئے، انسانیت کو عدل کا درس دیا، علامہ جمیل

میرا شہر
لاہور
23 ستمبر ، 2025
لاہور (خصوصی رپورٹر) تحریکِ منہاج القرآن کے زیر اہتمام منعقدہ’’ درس عرفان القرآن‘ سے خطاب کرتے ہوئے مرکزی ناظمِ دعوت علامہ جمیل احمد زاہد نے کہا کہ آنحضور ؐرحمت للعالمین بن کر آئے اور انسانیت کو عدل و انصاف، رحم، محبت اور امن کا درس دیا۔ انہوں نے کہا کہ نبی اکرم ک کی ذات اقدس نہ صرف اہلِ ایمان کے لیے مشعلِ راہ ہے بلکہ پوری انسانیت کے لیے قیامت تک ہدایت کا سرچشمہ ہے۔والدین پر لازم ہے کہ وہ اپنے بچوں کو دینی علوم سکھائیں،بالخصوص قرآن مجید کی تعلیم لازمی دلوانے کا اہتمام کریں۔انہوں نے مزید کہا کہ امتِ مسلمہ کی کامیابی اسی میں ہے کہ وہ قرآن و سنت کی تعلیمات کو اپنی عملی زندگی میں نافذ کرے۔ نوجوان نسل کو چاہیے کہ وہ دینِ اسلام کی اصل روح کو سمجھے اور حضور ؐکی تعلیمات کو اپنائیں۔ انہوں نے سورۃ العصر کے مضامین پر روشنی ڈالتے ہوئےکہا کہ قرآن مجید کی یہ عظیم سورت اہلِ ایمان کے لیے پیغامِ نجات ہے۔ اس میں انسانیت کو خسارے سے بچنے کا راستہ بتایا گیا ہے ۔
لاہور سے مزید