• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی سے چھینے اور چوری کیے گئے 22 لاکھ روپے مالیت کے موبائل فون سی پی ایل سی کے حوالے

آج کا اخبار
اہم خبریں
24 ستمبر ، 2025
کراچی (اسٹاف رپورٹر)کراچی سے چھینے اور چوری کیے گئے 22لاکھ روپے مالیت کے موبائل فون سی پی ایل سی کے حوالے کر دئیے گئے۔ کراچی الیکٹرونکس ڈیلرز ایسوسی ایشن کے صدرمحمدرضوان عرفان کے مطابق پولیس اور سی پی ایل سی کے اشتراک سے ریکور کیے گئے 22 لاکھ روپے مالیت کے 145عدد موبائل فون سی پی ایل سی کے حوالے کیے گئے ہیں۔انہوں نے بتایا کہ مزید 150 موبائل فون بھی جلد سی پی ایل سی کے حوالے کیے جائیں گے جس کے بعد بہت یہ موبائلث فون مالکان کے حوالے کیے جائیں گے ۔محمد رضوان نے بتایا ایسوسی ایشن اب تک 26 کروڑ روپے مالیت کےچوری شدہ یا چھینے گئے موبائل فون فروخت کے لیے مارکیٹ آنے پر ریکور کرکے اس کے مالکان کے سپرد کرچکی ہے۔انہوں نے بتایا کہ پولیس ،سی پی ایل سی اور ایسوسی ایشن کے اشتراک سے بنائے گئے سخت ضابطہ عمل کے تحت کسی بھی نئے یا پرانے موبائل فون کی خریداری سے قبل IMEI نمبر اور شناختی کارڈ کی سی پی ایل سی سے تصدیق کرانا لازمی ہے۔ایس او پی کے تحت کوئی بھی شہری جب اپنا موبائل فون فروخت کرنے آتا ہے تو اس کا آئی ایم اے آئی نمبر سی پی ایل سی کو بھیجا جاتاہے ،اگر وہ موبائل فون چھینا یا چوری کیا گیا ہے تو وہ موبائل فون ہم سی پی ایل سی کے حوالے کر دیتے ۔ان کا کہنا تھا کہ یہ ایس او پی ابھی صرف کراچی کی حد تک ہے اگر پورے سندھ میں یہ ایس او پی نافذ ہو جائے تو شہریوں سے چھینے اور چوری کیے گئے مزید موبائل فون بھی ریکور ہو سکتے ہیں۔
اہم خبریں سے مزید