فرمان الہی
نماز کے اوقات
ترکیہ نے فضائی دفاع کیلئے طویل فاصلے پر مار کرنے والے نئے میزائل سائپر1 ڈی کا کامیاب تجربہ کیا ہے۔
ترک میڈیا کے مطابق فضائی دفاع کے لیے ملکی سطح پر تیار کیا گیا میزائل سائپر 1 ڈی بحری جہازوں سے عمودی انداز میں لانچ کیا جاسکتا ہے۔
ترک سرکاری ذارئع کا کہنا ہے کہ سائپر 1 ڈی میزائل کی حد ضرب 100 کلو میٹر سے زائد ہے اور اس کا تجربہ نیشنل ورٹیکل لانچ سسٹم (MIDLAS) سے کیا گیا ہے۔
اس جدید میزائل کے تجربے کے بعد ترکیہ اُن ممالک کی صف میں شامل ہوگیا ہے جو داخلی طور پر اپنے بحری بیڑے کے لیے طویل فاصلے کا فضائی دفاعی نظام بنانے کی صلاحیت رکھتے ہیں۔
ذرائع نے مزید بتایا کہ یہ ترک سمندری دفاعی صلاحیتوں کے حوالے سے ایک اہم سنگ میل ہے۔
