فرمان الہی
نماز کے اوقات
کراچی( اسٹاف رپورٹر)پاکستان انٹرنیشنل ایئر لائنز (پی آئی اے)نے 30ستمبر سے ٹورنٹو کیلئے پروازیں دوبارہ شروع کرنے کا اعلان کیا ہے ،قومی ایئر لائن نے مسافروں کی سہولت کے لیے کینیڈا جانے والی پروازوں پر 15 فیصد رعایت کا اعلان بھی کر دیا ہے ۔پاکستان انٹرنیشنل ایئر لائنز کے مطابق کینیڈا جانے والے مسافر 10اکتوبر تک 15 فیصد رعایت سے فائدہ اٹھا سکتے ہیں، رعایتی ٹکٹ سے 30ستمبر سے 19دسمبر کے درمیان سفر کرسکتے ہیں۔اس سے قبل پاکستان انٹرنیشنل ایئرلائنز (پی آئی اے)نے اپنے بوئنگ 777 طویل فاصلے والے طیارے کی ضروری دیکھ بھال کی وجہ سے13 سے 27 ستمبر 2025 تک پاکستان سے کینیڈا کے لیے اپنا فلائٹ آپریشن عارضی طور پر معطل کر دیا تھا۔پی آئی اے ٹورنٹو کیلئے اپنا فلائٹ آپریشن دو بوئنگ 777 ایل آر طیاروں کے ذریعے آپریٹ کرتی ہے، اس وقت ایک طیارہ لینڈنگ گیئر میں خرابی کی وجہ سے گراونڈ ہے۔
