فرمان الہی
نماز کے اوقات
کراچی (اسٹاف رپورٹر) جناح سندھ میڈیکل یونیورسٹی کے ڈاکٹر ثریا ثروت اور ڈاکٹر محمد عمر سلطان بالترتیب ایسوسی ایٹ پروفیسرز اور اسسٹنٹ پروفیسرز کی نمائندگی کے لیے یونیورسٹی کی سنڈیکیٹ کے رکن منتخب ہو گئے ہیں۔ سنڈیکیٹ کے انتخابات 27 ستمبر 2025 کو شفاف اور منظم انداز میں پروفیسر ہُما علی، پرنسپل انسٹی ٹیوٹ آف فارما سیوٹیکل سائنسز (IPS-JSMU) کی نگرانی میں چیف الیکشن کمشنر کی حیثیت سے منعقد ہوئے۔ JSMU ایکٹ 2013 کے مطابق، سنڈیکیٹ کی دو نشستوں پر مقابلہ ہوا ۔ایک ایسوسی ایٹ پروفیسرز اور ایک اسسٹنٹ پروفیسرز کی کیٹیگری کے لیے۔ ہر کیٹیگری سے دو، یعنی کل چار امیدوار ان نشستوں کے لیے مدمقابل تھے۔ 150 رجسٹرڈ اسسٹنٹ پروفیسر ووٹرز میں سے 121 نے ووٹ کاسٹ کیے، جن میں سے 4 ووٹ کالعدم قرار پائے۔ 60 رجسٹرڈ ایسوسی ایٹ پروفیسر ووٹرز میں سے 50 ووٹ ڈالے گئے، جن میں سے 1 ووٹ کالعدم قرار پایا۔ پروفیسر ڈاکٹر صدف حمید نے ریٹرننگ آفیسر کے طور پر خدمات انجام دیں، ڈاکٹر کرن قدیر پریزائیڈنگ آفیسر رہیں، جبکہ یاسمین زوار پولنگ آفیسر تھیں۔وائس چانسلر جناح سندھ میڈیکل یونیورسٹی پروفیسر امجد سراج میمن نے نو منتخب ارکان کو مبارکباد دی اور سنڈیکیٹ میں خوش آمدید کہا۔ انہوں نے اعتماد ظاہر کیا کہ ان کی شمولیت یونیورسٹی کی گورننس اور تعلیمی معیار کو مزید مضبوط کرے گی۔
