• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاک ویلز آٹو شو 2025 کا رنگا رنگ آغاز، کار لورز کی بھرپور شرکت

میرا شہر
لاہور
06 اکتوبر ، 2025
لاہور (نیوزرپورٹر)لاہور میں پاک ویلز آٹو شو 2025 کا رنگا رنگ آغاز ہوا، جس میں ملک بھر سے آئے ہزاروں کار پریمیوں نے شرکت کی۔ ایونٹ میں صوبائی وزیر کھیل ملک فیصل ایوب کھوکھر اور صوبائی وزیر ٹرانسپورٹ بلال اکبر خان نے خصوصی طور پر شرکت کی۔ اس موقع پر انہوں نے مختلف اسٹالز کا تفصیلی معائنہ کیا اور جدید ماڈلز کی گاڑیوں میں گہری دلچسپی کا اظہار کیا۔ایونٹ کے روحِ رواں سنیل منج کی جانب سے الیکٹرک اور پیٹرول گاڑیوں کی شاندار نمائش کی گئی، جن میں لیمبورگینی، پورش 911، آڈی ای-ٹرون، اور نسان جی آر سمیت دیگر عالمی معیار کی گاڑیاں شامل تھیں۔ آٹو شو میں فیملیز، نوجوانوں اور طلباء کی بڑی تعداد نے شرکت کی۔جس سے لاہور ایک بار پھر پاکستانی کار کلچر کا حقیقی مرکز بن گیا۔اس موقع پر صوبائی وزیر کھیل فیصل ایوب کھوکھر نے کہا کہ لاہور آٹو شو پاکستانی کار کلچر کا حقیقی مظہر ہے۔ ہماری پاکستانی پروڈکٹس کسی سے کم نہیں جبکہ ہر گاڑی اپنی کہانی خود بیان کر رہی ہے۔ انہوں نے پاک ویلز انتظامیہ کو شاندار ایونٹ کے انعقاد پر مبارکباد دیتے ہوئے کہا کہ ایسے ایونٹس سے نوجوانوں کو مثبت تفریح کے ساتھ ساتھ ٹیکنالوجی اور انوویشن کی جانب راغب کیا جا سکتا ہے۔صوبائی وزیر ٹرانسپورٹ بلال اکبر خان نے کہا کہ آٹو شو میں فیملیز کی بڑی تعداد دیکھ کر خوشی ہوئی۔ اس طرح کے ایونٹس کا تسلسل جاری رہنا چاہیے۔
لاہور سے مزید