• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈاکٹر اورنگ زیب وفاقی ایچ ای سی کے کمیشن رکن مقرر، چیئرمین کا اضافی چارج دینے پر غور

آج کا اخبار
اہم خبریں
09 اکتوبر ، 2025
کراچی(اسٹاف رپورٹر) وزیراعظم پاکستان نے وفاقی وزیر تعلیم ڈاکٹر خالد مقبول صدیقی کی سفارش پر شہید بے نظیر بھٹو دیوان یونیورسٹی کے وائس چانسلر ڈاکٹر اورنگزیب کو وفاقی ہائر ایجوکیشن کمیشن کا کمیشن رکن مقرر کردیاہے۔ ان کی تقرری کا باقاعدہ نوٹی فکیشن جاری کردیا ہے۔ان کی تقرری 4 برس کے لیے ڈاکٹر عطا الرحمٰن کی جگہ عمل میں آئی ہے جن کی مدت رواں برس مکمل ہوگئی تھی۔ ڈاکٹر اورنگزیب چیئرمین ہائی ایجوکیشن کمیشن کی تلاش کے لیے قائم کمیٹی کے بھی رکن ہیں اور اس وقت کمیٹی کو چیئرمین ہائر ایجوکیشن کمیشن کے عہدے کے لیے 550 درخواستیں موصول ہوئی ہیں جن کی جانچ شروع کردی گئی ہے۔ ذرائع کے مطابق مستقل چیئرمین ہائر ایجوکیشن کمیشن کی تعیناتی مکمل ہونے تک چیئرمین کے عہدے کا اضافی چارج ڈاکٹر اورنگ زیب کو کو دینے پر غور کیا جارہا ہے ۔
اہم خبریں سے مزید