• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جنگ خاتمے پر غزہ میں مٹھائیاں تقسیم، یہاں کس بات پر احتجاج ہورہا ہے؟ وزیر دفاع

آج کا اخبار
اہم خبریں
12 اکتوبر ، 2025
اسلام آ باد ( رانا غلام قادرنیو زرپورٹر)وزیر دفاع خواجہ آصف نے مذہبی جماعت کے مظاہرین سے سوال کیا ہے کہ حماس اور اسرائیل میں جنگ کے خاتمے پر غزہ میں مٹھائیاں تقسیم ہو رہی ہیں مگر یہاں کس بات پر احتجاج ہو رہا ہے؟اسلام آباد اور لاہور میں ‏مذہبی جماعت کے احتجاج پر خواجہ آصف نے سوشل میڈیا پر طنز بھرا پیغام جاری کردیا۔زیادتی ہےکہ انکو بتایا نہیں جا رہا کہ لڑائی مک گئی اے،تسی کس گل دا احتجاج کر دے پہ او، گھر جاؤ،فلسطینی مٹھائی کھا رہے ہیں ہم احتجاج کر رہے ہیں۔ سماجی رابطے کی ویب سائٹ  پر اپنے پیغام کے ساتھ وفاقی وزیر دفاع نے جنگ بندی پر خوش فلسطینیوں کی ویڈیو بھی شیئر کردی۔اپنی پوسٹ میں وزیر دفاع نے کہا ہے کہ دو سال غزہ کے باسیوں پہ ظلم کے پہاڑ ٹوٹ رہے تھے بچوں کا قتل عام جاری تھا ساری دنیا کی عوام احتجاج کر رہی تھی جن میں بہت بڑی تعداد اور اکثریت غیر مسلم ممالک کے باسیوں کی تھی۔ پاکستان میں بعض فلسطین پہ جان قربان کے خواہش مندوں کو شاید اطلاع نہیں تھی اب جب جنگ بندی کے معاہدے پہ اسرائیل اور حماس نے دستخط کردیے ہیں جنگ بند ھو گئی ہے تو جی ٹی روڈ پہ ان فلسطینیوں سے محبت کرنے والوں نے جلوس نکال کر اسلام آباد پہ چڑھائی کر دی۔
اہم خبریں سے مزید