• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیر خزانہ امریکہ روانہ

آج کا اخبار
اہم خبریں
12 اکتوبر ، 2025
اسلام آباد (نامہ نگار)وفاقی وزیر خزانہ سینیٹر محمد اورنگزیب آئی ایم ایف اور ورلڈ بنک کے سالانہ اجلاسوں میں شرکت کے لیے امریکہ روانہ ہو گئے-وزیر خزانہ ورلڈ بنک اور آئی ایم ایف کے پلینری (plenary) اجلاسوں میں پاکستان کی نمائندگی کریں گے،وزیر خزانہ محمد اورنگزیب اپنے دورہ امریکہ کے دوران آئی ایم ایف ، ورلڈ بنک، انٹرنیشنل فنانس کارپوریشن (IFC) اور ملٹی لیٹرل انویسٹمنٹ گارنٹی ایجنسی (MIGA) کے اعلیٰ حکام سے ملاقاتیں کریں گے۔وزیر خزانہ کی عالمی بنک کے صدر اجے بنگا سے بالمشافہ ملاقات ہو گی ،وزیر خزانہ، اجے بنگا کی خصوصی دعوت پر اُن کی جانب سے منتخب ممالک کے وزرائے خزانہ کو دیے گیے عشائیہ میں شریک ہوں گے۔زیر خزانہ کی G24 اور مشرق وسطیٰ، شمالی افریقہ اور پاکستان (MENAP) ممالک کے پلیٹ فارم پر آئی ایم ایف کی مینجنگ ڈائریکٹر کرسٹلینا جارجیوا سے بھی ملاقات ہو گی۔وزیر خزانہ MENAP کے فورم سے بطور کلیدی مقرر خطاب کریں گے وزیر خزانہ ایف بی آر کی ڈیجیٹل ٹرانسفارمیشن کے حوالے سے عالمی بینک کے زیر اہتمام منعقدہ علاقائی راؤنڈ ٹیبل میں شرکت کریں گےراؤنڈ ٹیبل میں ایف بی آر حکام کے علاوہ دیگر ممالک کے ٹیکس حکام بھی اپنی ٹیکس اصلاحات کو اجاگر کریں گےوزیر خزانہ ورلڈ اکنامک فورم (WEF) کے زیر اہتمام دو اہم ایونٹس میں شریک ہوں گےدورہ کے دوران وزیر خزانہ سینیٹر محمد اورنگزیب چین، برطانیہ، سعودی عرب، ترکیہ اور آذربائیجان کے ہم منصب قائدین سے ملاقاتیں کریں گے۔وزیر خزانہ محمد اورنگزیب کی وائٹ ہاؤس کے اعلیٰ حکام سے ملاقاتیں بھی شیڈول کا حصہ ہیں۔
اہم خبریں سے مزید