• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حکومت سندھ، گندم کے کاشتکاروں کیلئے 58 ارب روپے کے پیکیج کا اعلان

آج کا اخبار
اہم خبریں
12 اکتوبر ، 2025
کراچی(اسٹاف رپورٹر) سندھ حکومت نے وفاق سے 2سے 3ملین ٹن گندم درآمد کرنے کی سفارش کر دی ،حکومت سندھ نے گندم کے کاشت کاروں کے لیے 58ارب روپے کے پیکیج کا اعلان بھی کر دیا ہے، جس سے ایک تا 25ایکڑ زمین رکھنے والے 4لاکھ 11ہزار کاشت کار مستفید ہوں گے۔ صوبائی حکومت کے مطابق سندھ میں گندم کے کاشت کاروں کو ہر ایکڑ پر 24ہزار 700روپے امداد دی جائے گی، گندم کی کاشت سے پہلے ہی امدادی رقم براہ راست کاشت کاروں کو فراہم کی جائے گی۔صوبائی وزیر زراعت سردار بخش مہر نے کہا کہ کاشتکاروں کو مالی مشکلات سے نکالنا حکومت کی ترجیح ہے، سندھ میں گندم کے ذخائر 1.385 ملین میٹرک ٹن ہیں اور اوپن مارکیٹ میں قیمت 9 ہزار روپے فی100کلوگرام تک جا پہنچی۔ سندھ کے محکمہ خوراک نے وفاق سے 2 سے 3 ملین ٹن گندم درآمد کرنے کی سفارش کر دی اور تجویز دی ہے کہ نئی ویٹ ریلیز پالیسی 26-2025 میں آٹے کی قیمت مستحکم رکھنے کے لیے 84ارب روپے سبسڈی دی جائے۔ صوبائی حکومت نے کاشت کاروں میں امداد کی شفاف تقسیم کے لئے ڈائریکٹر جنرلز کی زیر نگرانی مانیٹرنگ کمیٹی قائم کر دی ہے۔
اہم خبریں سے مزید