فرمان الہی
نماز کے اوقات
کراچی(اسٹاف رپورٹر)گورنر سندھ کامران خان ٹیسوری نے محتسب اعلیٰ سندھ کے فیصلوں کے خلاف اپیلیٹ اتھارٹی کی حیثیت سے مختلف درخواستوں کی سماعت کی اور مجموعی طور پر 13 کیسز نمٹائے، جن میں سے 11 درخواستوں پر فیصلے سنا دئیے گئے جبکہ 2 درخواستوں پر فیصلہ محفوظ کر لیا گیا۔اپیلوں میں صوبائی محکموں میں بدانتظامی اور خواتین کو کام کی جگہ پر ہراسانی سے متعلق شکایات شامل تھیں۔گورنر سندھ نے اس موقع پر کہا کہ عوام کو بروقت انصاف اور ریلیف کی فراہمی ان کی اولین ترجیحات میں شامل ہے، انہوں نے متعلقہ محکموں کو ہدایت کی کہ تمام معاملات میں شفافیت اور میرٹ کو یقینی بنایا جائے تاکہ عوام کا سرکاری اداروں پر اعتماد بحال رہے۔مزید برآں، گورنر سندھ کامران خان ٹیسوری نے صوبائی محکموں میں بدانتظامی اور ہراسانی سے متعلق شکایات کی وصولی کے لیے گورنر ہاؤس میں ایک افسر مقرر کرنے کی بھی ہدایت دی۔
