فرمان الہی
نماز کے اوقات
پاکستانی شوبز انڈسٹری کی معروف اداکارہ رمشا خان کو انگریزی میں گفتگو کرنا مہنگا پڑ گیا۔
اداکارہ اپنے مصنوعی لب و لہجے کے باعث سوشل میڈیا پر ٹرولنگ کا نشانہ بن گئیں۔
حال ہی میں انہوں نے امریکا میں ہونے والے ایوارڈز شو میں شرکت کی اور اپنی پرفارمنس سے سب کے دل بھی جیت لیے تاہم ایورڈز شو کے دوران میڈیا سے گفتگو کرتے ہوئے اپنا لہجہ تبدیل کرنے پر تنقید کی زد میں آگئی۔
انہوں نے میڈیا سے گفتگو کرتے ہوئے مختلف سوالوں کے جواب دیے اور اپنے خیالات کا اظہار بھی کیا۔ اس سیگمنٹ کی ویڈیو سوشل میڈیا پر وائل ہے۔
صارفین نے رمشا خان کا مصنوعی لہجہ فوراً نوٹ کرلیا اور انہیں مصنوعی طریقے سے گفتگو کرنے پر شدید تنقید کا نشانہ بنا رہے ہیں۔
ایک صارف نے لکھا کہ بول وہ رہی ہے اور جبڑے میں درد مجھے ہو رہا ہے۔
ایک اور صارف کا کہنا تھا کہ یہ لوگ اپنے لہجے کیوں بدلتے ہیں؟ ایک صارف نے یہ بھی کہا کہ یہ لہجہ بہت ہی کڑوا ہے۔
