فرمان الہی
نماز کے اوقات
کینیا میں سابق وزیر اعظم رائلا اوڈنگا کی میت وصول کرنے کے لیے نیروبی ایئر پورٹ پر ہزاروں سوگوار پہنچ گئے، جس کے باعث فلائٹ آپریشن کو مختصر طور پر معطل کیا گیا۔
حکام کا کہنا تھا کہ سیکیورٹی کے پیش نظر اور حفاظت کو یقینی بنانے کے لیے احتیاطی طور پر تقریباً دو گھنٹے تک فلائٹ آپریشن بند رہنے کے بعد بحال کر دیا گیا۔
کینیا کے ممتاز اپوزیشن رہنما اور سابق وزیراعظم رائیلا اوڈنگا 80 برس کی عمر میں بھارت کی ریاست کیرالہ میں علاج کے دوران انتقال کر گئے تھے۔
اسپتال اور مقامی پولیس کے مطابق اوڈنگا کو دل کا دورہ پڑا جو جان لیوا ثابت ہوا۔
کیرالہ کے اسپتال نے تصدیق کی کہ اوڈنگا کو بدھ کی صبح چہل قدمی کے دوران دل کا دورہ پڑا۔
