فرمان الہی
نماز کے اوقات
زارا احمد
ٹماٹر ایک بہترین اینٹی آکسیڈنٹ ہے جو جلد کی تازگی بڑھانے اور اس کو جواں رکھنے میں مددگار ثابت ہوتا ہے۔ یہ اسکن کی چمک کو بڑھا تا ہے، جس سے اسکن نکھری نکھری رہتی ہے۔
اس کے لیے آپ کو پارلر جانے کی ضرورت نہیں ہے، گھر پر بآسانی کرسکتی ہیں۔ اس ہفتے ہم آپ کو ’’ ٹماٹو فیشل ‘‘ کا طریقہ بتا رہے ہیں، اسے آزمائیں خود اندازہ ہو جائے گا، چہرے کے نکھار کا۔
……کلینزنگ……
یہ فیشل کا بنیادی جز ہوتی ہے، کلینزنگ روزانہ کرنی چاہیے، کیوں کہ اس سے جلد پر موجود دھول مٹی اور مردہ خلیات صاف ہوجاتے ہیں۔ ٹماٹر سے کلینزنگ تیار کرنے کے لیئے آپ سب سے پہلے ایک ٹماٹر کا پیسٹ بنا لیں، اس میں دو چمچہ دودھ شامل کرلیں۔ اس پیسٹ کو پورے چہرے پر لگا کر اچھی طر ح مساج کرکے ٹھنڈی پانی سے چہرہ دھولیں۔
……اسکرب……
اسکرب بنانے کے لیے ایک چائے کا چمچہ بیسن اور ایک چائے کا چمچہ چینی ملا لیں۔ اس کے ساتھ ٹماٹر کا آدھا پیس کاٹ کر اسے چینی اور بیسن کے مرکب میں اچھی طر ح یک جا کرلیں، بعدازاں اسے چہرے پر لگائیں دس منٹ تک مساج کرکے ٹشو سے چہرہ صاف کرلیں۔
……فیشل پیک……
ٹماٹر کے پیسٹ میں ایک چائے کا چمچہ دہی، شہد اور بیسن ملا کر ایک گاڑھا سا پیک بنالیں اور اس کو دس منٹ کے لیے چہرے پر لگا رہنے دیں۔ سوکھنے کے بعد سادے پانی سے چہرہ دھو کر عرق گلاب کا ا سپرے کرلیں۔ اب دیکھیں آپ کاچہرہ کیسا نکھرا نکھرا اور کھلا کھلا ہو جائے گا۔
