• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

غیر قانونی کرنسی ایکسچینج میں 2 ملزمان گرفتار

آج کا اخبار
اہم خبریں
20 اکتوبر ، 2025
کراچی(اسٹاف رپورٹر)فیڈرل انوسٹیگیشن ایجنسی(ایف آئی اے) نے مبینہ طور غیر قانونی کرنسی ایکسچینج میں 2ملزمان کو گرفتار کرکے انکے قبضے سے ایک لاکھ امریکی ڈالر برآمد کرلئے،ترجمان ایف آئی اے کے مطابق ڈی جی ایف آئی اے کی ہدایت پر حوالہ ہنڈی اور غیر قانونی کرنسی ایکسچینج میں ملوث ملزمان کے خلاف کاروائیاں جاری ہیں،اس سلسلہ میں ایف آئی اے کارپوریٹ کرائم سرکل کراچی کی جانب سےجناح انٹرنیشنل ائرپورٹ کی پارکنگ میں کارروائی کرکےغیر قانونی کرنسی ایکسچینج میں ملوث 2 ملزمان کوگرفتار کرلیا،گرفتار ملزمان میں اسامہ عابد اور محمود بٹ شامل ہیں،گرفتار ملزمان غیر قانونی کرنسی ایکسچینج میں ملوث ہیں،ملزمان کے قبضے سے 1 لاکھ ڈالر برآمد کرلئے،برآمد شدہ کرنسی کی مالیت 2 کروڑ 80 لاکھ روپے سے زائد ہے،ملزمان بغیر لائسنس کرنسی ایکسچینج کا کاروبار کر رہے تھے،گرفتار ملزمان کے قبضےسے موبائل فونز، غیر قانونی کرنسی ایکسچینج سے متعلق شواہد برآمد کر لیے گئے ،ملزمان برآمد ہونے والی کرنسی کے حوالے سے حکام کو مطمئن نہ کر سکے،ملزمان کو گرفتار کر کے تفتیش شروع کر دی گئی ہے،ملزمان کے دیگر ساتھیوں کی گرفتاری کے لئے چھاپے مارے جا رہے ہیں۔
اہم خبریں سے مزید