• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

معروف بھارتی اداکار اسرانی 84 برس کی عمر میں انتقال کرگئے

آج کا اخبار
اہم خبریں
21 اکتوبر ، 2025
ممبئی(جنگ نیوز)بھارت کےمعروف لیجنڈری اداکار اسرانی 84سال کی عمر میں انتقال کر گئے۔فلم شعلے میں جیل وارڈن کا لازوال کردار آج بھی ناظرین کے ذہنوں میں تازہ ہے۔بھارتی میڈیا کے مطابق ہندی سنیما کے ورسٹائل اداکار شری گووردھن اسرانی طویل علالت کے بعد  پیر کی  شام ممبئی میں چل بسے۔اداکار کے بھتیجے نے ان کی وفات کی تصدیق کی ہے ۔5 دہائیوں پر محیط اپنے شاندار کیریئر میں اسرانی نے ہندی فلم انڈسٹری کو بے شمار یادگار کردار دیے اور ناظرین کے دلوں میں ایک خاص مقام بنایا۔اسرانی کا فلمی سفر 50 برس سے زائد رہا اور انہوں نے 350 سے زیادہ فلموں میں اداکاری کی۔ انہوں نے مزاحیہ اور معاون کرداروں کے ذریعے بھارتی سنیما میں ایک مضبوط شناخت قائم کی۔1970 کی دہائی اسرانی کے کیریئر کا سنہری دور ثابت ہوئی، جب وہ سب سے زیادہ مقبول اور قابلِ اعتماد کریکٹر ایکٹرز میں شمار ہونے لگے۔ وہ میرے اپنے، کوشش، باورچی، پریچے، ابھی مان، چپکے چپکے، چھوٹی سی بات، رفو چکر اور شعلےجیسی مشہور فلموں میں جلوہ گر ہوئے۔فلم شعلے میں جیل وارڈن کا ان کا کردار آج بھی ناظرین کے ذہنوں میں تازہ ہے۔
اہم خبریں سے مزید