فرمان الہی
نماز کے اوقات
کوئٹہ (این این آئی) بلوچستان میں دہشتگردی کی متعدد کارروائیاں کرنے والا فتنہ الہندوستان کا انتہائی مطلوب دہشت گرد سرغنہ جمیل عرف ٹیٹک مارا گیا۔سیکورٹی ذرائع نے بتایا کہ دہشت گرد جمیل ضلع پنجگور کا رہائشی اور پنجگور اوربلیدہ سمیت متعدد علاقوں میں دہشت گردانہ کارروائیوں میں سرگرم تھا۔سرکاری ٹیلی ویژن نے سیکورٹی ذرائع کے حوالے سے رپورٹ کیا کہ فتنہ الہندوستان کے سرغنہ جمیل عرف ٹیٹک کی ہلاکت کی مصدقہ اطلاعات ہیں، دہشتگرد جمیل دہشت گردی کی متعدد کارروائیوں میں ملوث تھا۔سیکورٹی ذرائع نے بتایا کہ فتنہ الہندوستان کا دہشت گرد جمیل عرف ٹیٹک 2022 میں پنجگور ہیڈکوارٹر پر حملے سمیت کئی کارروائیاں میں بھی ملوث رہا ہے۔
