• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کرکٹر صہیب مقصود کیساتھ لاکھوں کا فراڈ، گاڑی سے محروم

آج کا اخبار
اسپورٹس
21 اکتوبر ، 2025
کراچی (اسٹاف رپورٹر) پاکستان کے انٹر نیشنل کرکٹر صہیب مقصود کو فراڈ کی وجہ سے ایک کروڑ سے زائد کی گاڑی سے محروم ہونا پڑا۔ سوشل میڈیا پر جاری بیان میں صہیب مقصود نے لکھا کہ ان کی تقریباً 1 کروڑ 40 لاکھ روپے مالیت کی گاڑی شوروم مالک نے فروخت کردی جبکہ اصل کاغذات اب بھی ان کے پاس موجود ہیں۔ دھوکے باز نے انہیں بدلے میں ایک ایسی گاڑی دی جس کے کاغذات جعلی نکلے، ساتھ ہی مزید 70 لاکھ روپے ہتھیا لیے۔ انہوں نے وزیراعلیٰ پنجاب مریم نواز، پنجاب پولیس اور دیگر حکام سے اپیل کی ہے کہ وہ اس واقعے کی شفاف تحقیقات کرائیں اور ملوث عناصر کو قانون کے مطابق سزا دیں۔ان کا کہنا ہے کہ آٹھ ماہ بعد انہیں اپنی گمشدہ گاڑی لاہور کے ایک گھر میں ملی، جب انہوں نے اسے واپس لینے کی کوشش کی تو وہاں موجود شخص نے دعویٰ کیا کہ اس نے گاڑی خریدی ہے، پولیس بھی واپس نہیں لے جا سکتی۔
اسپورٹس سے مزید