• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جعلی میجر بن کر شارٹ ٹرم اغوا کی وارداتوں میں ملوث دو مطلوب و اشتہاری ملزمان گرفتار

آج کا اخبار
ملک بھر سے
21 اکتوبر ، 2025
کراچی( اسٹاف رپورٹر )بوٹ بیسن پولیس نے جعلی میجر بن کر شارٹ ٹرم اغوا کی وارداتوں میں ملوث دو مطلوب و اشتہاری ملزمان کو گرفتار کر لیا ۔گرفتار ملزمان کی شناخت طلال افسر عرف میجر ظفر ولد محمد افسر صدیقی اور امام بخش ولد صادق کے ناموں سے ہوئی۔ ملزمان کے قبضے سے دو عدد 30 بور پستول بمعہ لوڈ میگزین و راؤنڈز، ایک آڈی گاڑی، چار عدد وائرلیس واکی ٹاکی سیٹس، تین عدد بلٹ پروف جیکٹس اور چار عدد موبائل فونز برآمد کیے گئے۔پولیس کے مطابق ابتدائی تفتیش کے دوران ملزمان نے اعتراف کیا کہ وہ جعلی میجر بن کر اپنے دیگر ساتھیوں کے ساتھ شارٹ ٹرم اغوا برائے تاوان کی وارداتوں میں ملوث رہے ہیں۔ملزمان نے مدعی تاج الدین سے دو اقساط میں 80 لاکھ روپے تاوان وصول کرنے کا اعتراف بھی کیا جس کا مقدمہ تھانہ ٹیپو سلطان میں درج ہے۔گرفتار ملزمان تھانہ بوٹ بیسن کے مقدمہ نمبر 807/2025 بجرم Tel ACT 506 25-D میں بھی ملوث پائے گئے ہیں۔
ملک بھر سے سے مزید