فرمان الہی
نماز کے اوقات
اسلام آ باد ( رانا غلام قادر)ایف بی آر کے افسروں کیلئے اہم خبر ہے کہ اسٹیبلشمنٹ ڈویژن نے وفاقی سروس کے افسروں کی کار کردگی کوجانچنے ‘ ان کی منصوبہ بندی اور فیصلہ سازی کے عمل کو بہتر بنا نے کیلئے 360ڈگری پر فارمنس مینجمنٹ سسٹم سے ایف بی آر کے افسروں کو مستثنیٰ قرار دیدیا ، اسٹیبلشمنٹ ڈویژن نے وضاحت کی ہے کہ ایف بی آر کا اپنا سسٹم چونکہ مو جود ہے اسلئے اسکی ضرورت نہیں ہے کہ وہ اپنا ڈیٹا بھیجیں البتہ رونیو ڈویژن پر اس کا اطلاق ہوگا۔ایف بی آ ر نے اسٹیبلشمنٹ ڈویژن کی وضاحت کے بعد 16اکتوبر کو کیا گیا آف سرکلر پیر کے روز واپس لے لیا ہے۔یاد رہے کہ اس سسٹم کیلئے ایک ڈیٹا فارم تیار کیا گیا ۔ یہ فا ر م تمام وزارتوں اور ڈویژنوں کے سیکرٹریز کو بھیجا گیا ہے ۔ جوائنٹ سیکرٹری کیر یئر پلاننگ اسٹیبلشمنٹ ڈویژن نائلہ باقر کی جانب سے بھیجے گئے آفس میمو رنڈم میں کہاگیا ہے کہ اسٹیبلشمنٹ ڈویژن وفاقی حکومت کی وزارتوں اور ڈویژنوں میں تعینات افسروں کے جاب پورٹ فولیو کا جامع ڈیٹ ابیس ڈویلپ کر رہا ہے۔
