فرمان الہی
نماز کے اوقات
پاکستان کے معروف یوٹیوبر سعد الرحمٰن عرف ڈکی بھائی کی اہلیہ عروب جتوئی کے حق میں عدالت نے بڑا حکم دے دیا۔
جوا ایپ کی غیر قانونی تشہیر کے مقدمے میں اہم پیش رفت ہوئی ہے۔ ڈکی بھائی کی اہلیہ عروب جتوئی کی جوئے ایپ کی غیر قانونی تشہیر کے مقدمے عبوری ضمانت میں توسیع کردی گئی۔
ایڈیشنل ڈسٹرکٹ اینڈ سیشن جج ڈاکٹر ساجدہ احمد نے درخواست ضمانت پر سماعت کی۔
رپورٹ کے مطابق یوٹیوبر کی اہلیہ عبوری ضمانت کی مدت ختم ہونے پر عدالت میں پیش ہوئی، عدالت نے سماعت کے دوران عبوری ضمانت میں 6 نومبر تک توسیع کرتے ہوئے تفتیشی افسر کو ہدایت دی کہ وہ آئندہ سماعت پر کیس سے متعلق جامع رپورٹ عدالت میں جمع کرائیں۔
واضح رہے کہ ڈکی بھائی اور ان کی اہلیہ عروب جتوئی پر جوئے کی ایپس کی غیر قانونی تشہیر کا مقدمہ قائم کیا گیا تھا۔
یہ کیس پاکستان میں آن لائن جوئے کی ایپس کے خلاف چلائے جانے والے بڑے مقدمات میں سے ایک ہے، جس میں نامور یوٹیوبرز اور سوشل میڈیا شخصیات کو ملوث ہونے کے شبے میں گرفتار کیا گیا تھا۔
اس جوئے کی ایپ کی غیر قانونی تشہیر کے مقدمے میں شہریوں کو مالی نقصان پہنچا ہے۔
